BUNDARAN KOTA KUALA KAPUAS
Ije usaha Pemerintah Kabupaten Kapuas ji perlu imbangga awi itah iete mendeng dengan tagap tugu intu bundaran kota lewu Kuala Kapuas. Huang ije buncu intu bundaran jite mendeng papire hampatung kahio ji lengkap dengan himba luka ewen belum. Sementara jite intu buncu ji beken tege mendeng hindai due hampatung burung tingang, burung ije suci huang keyakinan budaya itah uluh Dayak.
Burung Tingang te iete bagian je tutu penting barega huang budaya Dayak Kabupaten Kapuas. Awi penting tutu jite maka dia hengan itah amun uluh bakas helu Kabupaten Kapuas manempat kaandakan burung tingang menjadi lambang daerah Kabupaten Kapuas dengan auh semboyan "Tingang Menteng Panunjung Tarung".
Mudah-mudahan dengan mendeng ah tugu ji model jituh, bundaran hai tuntang taman kota itah maka kabupaten Kapuas ulih manyampai kahandak ji beken iete ulih mempersiap habitat ji nyata-nyata tege akan kaleka kawan kahio, burung tingang dengan kakare satua asli Kalimantan ije puna langka intu pulau Kalimantan.
BURUNG TINGANG SECARA ILMIAH
Manduan bara Wikipedia bahasa Indonesia (ensiklopedia bebas) inyundaulah data bahwa burung Tingang auh kutak itah Dayak iete burung enggang atawa rangkong huang Bahasa Indonesia.
Burung Enggang atawa Burung Rangkong (bahasa Inggris ah: Hornbill) iete ije jenis burung ji tutuk nyama atawa paruh ah mirip dengan model tanduk sapi tetapi jatun lingkara. Biasa tutuk burung tingang te bawarna tarang. Aran ilmiah ah "Buceros", iete manduan bara model tutuk ewen ji baarti "tanduk sapi" huang kutak Bahasa Yunani.
Burung Tingang tuh tagolong kelompok Bucerotidae ji tamasuk 57 spesies. Jalatien spesies bara satua jituh asli endemik bara Afrika bagian Selatan. Panginan burung tingang iete bua-buaan himba, bajawak, kalalawar, tikus, handipe dengan papire jenis serangga ji beken.
Katika dumah waktu burung jituh maherem, tingang bawi mananteluh sampai jahawen kabawak. Tanteluh ah bawarna baputi, ingurung ewen tanteluh te huang kurungan saranga ji inampa bara tai atawa upak bua. Tikas tege ije rumbak kurik ji pas akan burung hatue manenga panginan akan anak-anak burung, dengan akan mampakanan tingang bawi.
Apabila anak burung atawa burung bawi dia hindai talus dengan dia muat melai huang saranga, maka tingang bawi mamusit saranga te palus ie balua. Limbah jite ie manampa hindai dinding ji taheta. Indu burung tingang dengan tingang hatue bagawi karas manggau akan panginan anak-anak ewen. Huang papire spesies tingang, kawan anak-anak burung jite tau kabuat ewen membangun hindai dinding saranga ji jadi bawah tanpa panduhup burung hai.
Burung Tingang Lambang Budaya Dayak
Huang budaya Kalimantan (uluh Dayak) , burung tingang merupakan simbol "Dunia Hunjun" iete alam kedewataan atau dunia sangiang ji basifat "maskulin". Huang Pulau Kalimantan, burung tingang sakti ihapan menjadi lambang daerah atau simbol organisasi kilau lambang negeri Sarawak, lambang provinsi Kalimantan Tengah, simbol Universitas Lambung Mangkurat dengan papire ji beken hindai. Burung tingang tuh iwujud awi uluh Dayak huang bentuk ukiran Dayak, sedangkan huang budaya Banjar, burung tingang iukir huang rupa samar atau dia jelas (didistilir) awi Budaya Banjar tumbu intu penda pengaruh agama Islam ji malait ukiran makhluk banyawa. Burung Tingang te inggambar awi uluh Banjar huang wujud samar-samar dan ihapan ewen menjadi Tatah Hujung Pilis huang huma Banjar.
Burung Tingang Lambang Kabupaten Kapuas
Tuh ie lambang kabupaten Kapuas ji dengan jelas menggambar Burung Tingang huang bentuk logo daerah. Sementara te tatulis huang pita basurat ji iandak huang penda, dengan jelas kea manyampai fisolofi daerah ji auh hiau ah: "Tingang Menteng Panunjung Tarung."
Tidak ada komentar:
Posting Komentar